全新系列【陪你睇居屋】會逐一介紹即將推出既新居屋！今次率先為大家介紹既居居位處於北角，足足等左13年，港島區終於有新居屋喇！
市價5.2-6折？最快推售的居屋建築進度如何 | 13年來港島區首次供應 | 與豪宅為鄰 | 只有200伙 | 必抽之選 | 必去《大叔的愛》拍攝景點【陪你睇居屋】
我地今次揀左幾個大約係今年至2023落成，有機會最快推出既幾個居屋項目，同大家實地視察一下，首先去既就係13年來未有居屋項目推出的港島區—北角。
番查過去記錄，港島區對上一次居屋項目，已經要數到2008年推的筲箕灣東濤苑第二期，而依個北角既新項目，有海景之餘，更與豪宅為鄰，筍唔筍先。
這個居屋項目，位於北角渣華道、電照街和馬寶道交界，即係海關總部大樓對面。前身係電照街遊樂場。
據房委會既資料顯示，項目地盤面積約1.3萬呎，預計興建樓高約34層，提供約248個單位，單幢，規模比較細，預計容納約630人居住，施工期大約4年，2023至2024年落成。
一般而言，居屋多會推售約兩年期樓花，所以北角居屋項目若2023年建成，即係現時就可以推售。該居屋地盤對面正是由新鴻基地產發展的商住項目海璇，另外附近亦有港濤軒、港運城等私人住宅項目，而落成後部份單位，除了高層外，望東北方向的單位，或可透過電照街兒童遊樂場望到維港海景。
而其他方向，都是望番市景，不過附近既學校同樓宇都唔算好高，景觀都尚算開揚，唔會太壓迫既。
事實上，居屋項目正正對面的海璇，海璇絕對可以稱得上是北角區的新地標，當年開賣時，準買家要參觀現樓單位，要提供200萬元本票，都咪話唔巴閉。
而樓盤最高既呎價達73,469元，創項目成交價及呎價新高，更並打破港島東最貴紀錄，咁你知佢咩料啦........
