一本可以厚過電話簿的樓書，有有曾認真睇過嗎？一堆又一堆專業名詞，單位圖滿佈紅線及黑線交錯，實在唔係個個都識睇，不過唔緊要，小編今次就教你睇當中對未來單位升值潛力有影響的兩幅圖。
位置圖
位置圖最主要是看附近有那些設施，以及厭惡性設施，這些設施可能影響樓盤價值，令買家卻步。
位置圖會列出新盤250米以內的每條街道的名稱，以及位於距離發展項目的界線250米以內其用途可能對交通、嘈音、空氣質素、氣味、環境、衛生、消防、人流及居民日常起居生活等有影響的建築物、設施或構築物。
按法例規定，以下用途的建築物、設施或構築物需要包括在內，包括油站、貨物裝卸區、火葬場、骨灰龕、殮房、屠房、戒毒院所、垃圾收集站、醫院、警署、圖書館、鐵路車廠、公廁、學校、宗教場所(包括教堂、廟宇及祠堂)、診療所等等。
OZP
分區計劃大綱圖（OutlineZoningPlan，簡稱OZP）。
OZP主要是透視該區的擬議土地用途，例如住宅、商業、工業、休憩用地、政府、機構或社區用途、綠化地帶、自然保育區、綜合發展區、鄉村式發展等等。
屋苑附近的土地用途當然會影響樓價，例如附近已知將有舊樓重建的住宅(甲類)，則日後該區住宅供應可能增加，如是綠化地帶或休憩用地，物業日後的升值潛力就會較高。
如買家實地視察時，看見有一個地盤，但唔知佢起D咩嘅時候，就可以睇OZP了。
雖然OZP只展示規劃用途，但不會標明實質會建什麼，故就需要與位置圖一齊睇，該位置圖會列明建構物，究竟是學校或醫院等。
其實，是否新盤或二手樓，買家除睇樓書之外，亦應親身現現場視察，因圖上指附近樓宇高度規劃為90米，但原來地盤旁邊有幢110米高嘅大廈，因為OZP修訂過，兩年前仲可以起到130米高。
現時香港共有接近60個規劃區，涵蓋絕大部分已發展的地方，只有偏遠村落沒有法定圖則涵蓋。而所有法定圖則都會不定期作出修訂，每次有新的草圖出現，草圖都會公開展示，公眾可以對草圖提出反對及建議。
其實樓書內還有很多地方需要注要，例如公契摘要記錄了每個單位不可分割的分數，可以計算管理費、項目橫截面圖，可了解物業樓層與鄰近的街道水平的高低差距，評估日後的噪音情況及景觀、公共設施及公眾休憩用地，了解有無責任分擔任何公眾休憩用地或公共設施的開支等等都需要留注，所以大家都係乖乖地，慢慢刨晒本樓書啦！
591教學
