迪士尼《小飛象》Dumbo是不少人童年回憶，這隻萌爆大耳象即日起到4月28日，將會空降銅鑼灣時代廣場，更以不同的3D造型登場，你準備好打卡未？
時代廣場地面架起一個巨型帳幕，設有互動專區，配合270度投影裝置，令Dumbo變身導遊，帶領大家飛越香港郊外、市區5個地標，包括山頂、破邊洲、彩虹邨、萬宜水庫和西九龍海濱長廊；大家仲可以隨意捕捉Dumbo在香港天空飛翔的畫面，盡情Selfie！
另外，廣場地面，仲有鬼才添布頓於電影中設計的「夢想樂園」馬戲團，係一個繽紛兼富有奇幻色彩的地方！「夢想樂園」馬戲團內設有多個場景和表演場地，大家可以看到萌爆的Dumbo以不同3D造型亮相，與Dumbo瘋狂影靚相！
馬戲團更有多種表演，今次3D trick art拍攝專區，有空中飛人、高空行鋼線、大力士舉重和炮彈飛人等打卡好場景。Fans們可置身這些3D幻視藝術裝置，拍攝出彷如在馬戲團表演的照片呃like！
二樓中庭仲有一隻超巨型6米闊Dumbo望任住你呀！一齊叫「Don’t Just Fly, SOAR!」
唔好一味掛住打卡，今次時代廣場將會有逾40場表演安排在周末及公眾假期的馬戲團表演時段舉行；表演包括，奇幻泡泡、小丑扭氣球、魔術、小丑雜耍趣劇、華麗高蹺巡遊等，萬勿錯過！
